News

पौष २८। बुटवल देवीनगरस्थित लुम्बिनी वाणिज्य क्याम्पसको आयोजनामा दुई दिने अन्तर्राष्ट्रिय कन्फ्रेन्स बिहीबार सम्पन्न भएको छ । 
हरेक दुई दुई वर्षमा अन्तर्राष्ट्रिय कन्फ्रेन्स आयोजना गर्दै आएको क्याम्पसले यसपटक इन्टरनेशनल कन्फ्रेन्स अन प्याराडाइम् सिफ्ट इन विजनेश म्यानेजमेन्ट, इकोनोमिक्स, सोसल इन्नोभेसन एण्ड इन्फरमेसन साइन्स, सेयरिङ ग्लोबल्ली,  प्रज्ञानम् ब्रह्म –०३ मूख्य विषयमा तेश्रो संस्करणको अन्र्तराष्ट्रिय कन्फ्रेन्स पौष २७ र २८ गते सम्पन्न गरेको हो ।
कार्यक्रमको उद्घाटन समारोहलाई भर्चुअल माध्यमबाट सम्बोधन गर्नुहुदै प्रमुख अतिथि एवं नेपाल राष्ट्र बैंकका गभर्नर महाप्रसाद अधिकारीले उच्च शैक्षिक संस्थाको रुपमा लुम्बिनी वाणिज्य क्याम्पसले गुणस्तरिय शिक्षा प्रदान गरेर विशिष्ट योगदान पु¬¥याउदै आएको र यस प्रकारको अन्र्तराष्ट्रिय कन्फ्रेन्स प्राज्ञिक क्षेत्र र अनुसन्धानका क्षेत्रमा कोषे ढुगां सावित हुने विश्वास व्यक्त गर्नुभयो ।
क्याम्पस सञ्चालक समितिका अध्यक्ष मोतिलाल पाण्डेको अध्यक्षता, उपप्राध्यापक लक्ष्मणप्रसाद भण्डारीको संचालन रहेको उद्घाटन समारोहमा क्याम्पस प्रमुख प्रा.डा. ताराप्रसाद उपाध्यायले कन्फ्रेन्सको औचित्यता र उद्देश्यहरुमाथि प्रष्ट पार्नुभएको थियो ।
उद्घाटन समारोहमा विशिष्ट अतिथिहरु लुम्बिनी प्रदेश सभा सदस्य भोज प्रसाद श्रेष्ठ, लुम्बिनी बौद्ध विश्वविद्यालयका उपकुलपती प्रा.डा. हृदय रत्न बज्राचार्य, त्रि.वि.व्यवस्थापन संकायका डीन प्रा.डा. डिल्लीराज शर्मा, नेपाल पब्लिक क्याम्पस संघका अध्यक्ष शिवराज संजेल, बुटवल उद्योग वाणिज्य संघका अध्यक्ष उज्ज्वल प्रसाद कसजु, आई.आई.एम., इन्डियाका शन्दिप प्रशार, कन्फ्रेन्सका संयोजक सह प्रा. राजेन्द्र लम्साल लगायतले बोल्नुभएको थियो । पहिलो दिनको दोश्रो सत्रको कि नोट सेसनमा लुम्बिनी बौद्ध विश्वविद्यालयका उपकुलपती प्रा.डा. हृदय रत्न बज्रचार्य, त्रिभुवन विश्वविद्यालय, व्यवस्थापन संकायका डीन  प्रा.डा. डिल्लीराज शर्मा,  इभोरा डी विश्वविद्यालय, पोर्चुगलका प्रा.शोमोडि सर्कार, आई.आई.एम., इन्डियाका शन्दिप प्रशार, सिद्धार्थ विश्वविद्यालय, इन्डियाका प्रा. दिपक बाब्ु मिश्र, अब्रा विश्वविद्यालय, फिलिपिन्सका प्रा.डा. एलेक्सिस एरिजावल– एन्रीक्वीज, सिन्ध विश्वविद्यालय, पाकिस्तानका डा. गुलाम अली बुरिरोले मुख्य वक्ताको भुमिका निर्वाह गर्नुभएको थियो भने आई.आई.एम., इन्डियाका शन्दिप प्रशार, त्रिभुवन विश्वविद्यालय, व्यवस्थापन संकायका डीन  प्रा.डा. डिल्लीराज शर्मा, त्रिभुवन विश्वविद्यालयका प्रा.डा. देवेन्द्र प्रसाद श्रेष्ठ, काठमाण्डौं विश्वविद्यालयका प्रा.डा. मन प्रसाद वाग्लेले विभिन्न समुहमा विभाजित भइ संचालन भएको टेक्निकल सेसनको अध्यक्षता समेत गर्नुभएको थियो ।

कन्फ्रेन्सको दोश्रो दिनको पहिलो सत्रमा आई.आई.एम., इन्डियाका शन्दिप प्रशारले  केस एनालाइसिस सम्बन्धी प्रशिक्षण संचालन गर्नुभएको भने दोश्रो सत्र समापन समारोहमा अन्र्तराष्ट्रिय कन्फ्रेन्स संयोजक सह प्रा. राजेन्द्र लम्सालको अध्यक्षता, काठमाण्डौं विश्वविद्यालय, शिक्षा संकायका पूर्व डीन प्रा.डा. मन प्रसाद वाग्लेको प्रमुख आतिथ्यता, सहायक क्याम्पस प्रमुख सह प्रा. विष्णु जोशीको स्वागत मन्तव्य, त्रि.वि.व्यवस्थापन संकायका डीन प्रा.डा. डिल्लीराज शर्माको विशेष मन्तव्य, बुटवल उद्योग वाणिज्य संघका अध्यक्ष उज्ज्वल प्रसाद कसजु र क्याम्पस प्रमुख प्रा.डा. ताराप्रसाद उपाध्यायको धन्यवाद ज्ञापन रहेको थियो । समापन समारोहमा कन्फ्रेन्सका मुख्य वक्ताहरु, अतिथिहरु, अनुसन्धान प्रस्तुतकर्ताहरु, सहयोगी संस्थाहरु, विभिन्न उपसमितिका संयोजकहरु, स्वयंसेवकहरुलाई सम्मान पत्र तथा मायाको चिनो प्रदान गरिएको थियो ।

प्रज्ञानम् ब्रह्मको शाब्दिक अर्थ हुन्छ–ज्ञान नै ब्रह्म हो । यस वाक्यको अनुशरण गर्दा आफ्नो जीवनको परम् स्थीतिको अनुसन्धान गर्न सक्यौं भने हाम्रो जीवन सफलतापूर्वक निर्वाह हुन्छ भन्ने बुझिन्छ । यसैलाई मुलमन्त्र मानेर लुम्बिनी बाणिज्य क्याम्पस बुटवलले विश्वविद्यालय अनुदान आयोग र त्रि.वि.व्यवस्थापन संकाय डीनको कार्यालयको सहयोगमा अन्तर्राष्ट्रिय कन्फ्रेन्स सम्पन्न गरेको हो । क्याम्पसले सन् २०१८ र सन् २०२० मा गरी दुई वटा अन्तर्राष्ट्रिय कन्फ्रेन्स सम्पन्न गरेको थियो । परम्परागत शैली भन्दा अलि पृथक खालको अनुसन्धानात्मक शिक्षण सिकाईमा जोड दिनुपर्छ भन्ने सन्देश दिन क्याम्पसले ‘प्रज्ञानम् ब्रह्म’ महावाक्यलाई विषयबस्तु बनाएर अन्तर्राष्ट्रिय कन्फ्रेन्स गरेको हो । सो अवसरमा फिलिपिन्स, पोर्चुगल, पाकिस्तान, भारत र नेपालका विभिन्न विश्वविद्यालयका पदाधिकारी, वरिष्ठ प्राध्यापक, विद्यार्थी, सरकारी तथा गैरसरकारी अभ्यासकर्ताहरु लगायत ५२ जना अनुसन्धानकर्ताले आ–आफ्नो अनुसन्धानको निष्कर्षहरु प्रस्तुत गर्नुभएको थियो । 
दुई दिने कन्फ्रेन्सले अन्वेषकहरू, व्यवसायीहरू र विद्यार्थीहरूबीच नवीन अनुसन्धान सीपहरूको राम्रो आधार खडा गरेको छ भने विश्वव्यापी रूपमा व्यापार व्यवस्थापन र सामाजिक विज्ञानमा प्रतिमान परिवर्तन सुनिश्चित गर्नुका साथै  कन्फ्रेन्समा  सहभागी अनुसन्धानकर्ताहरूले यसको ज्ञान फैलाउने अपेक्षा समेत गरेको क्याम्पस प्रमुख प्रा.डा. तारा प्रसाद उपाध्यायले बताउनुभयो साथै अध्यापन र सिकाइको क्षेत्रमा ज्ञान आदानप्रदान गर्न क्षेत्रीय मैत्री सम्बन्ध स्थापना गर्न कन्फ्रेन्स फलदायी भएको समेत उहाँले बताउनुभयो ।
कन्फ्रेन्सले व्यवसायिक व्यवस्थापन, अर्थशास्त्र, सामाजिक नवप्रवर्तन र सूचना प्रविधिको विकासक्रम र अनुसन्धानको क्षेत्रमा विश्वव्यापिरुपमा आएका परिवर्तित अवस्था बारेमा थाहा दिएको र अनुसन्धानकर्ताहरुलाई आफ्ना अनुसन्धनात्मक लेखको प्रस्तुतिकरणको अवसर पनि सृजना गरेको कन्फ्रेन्स सचिव डा. भगवती प्रसाद चौधरीले बताउनुभयो ।

 

पौष २१ बुटवल । विश्वविद्यालय अनुदान आयोगबाट दोश्रोपटक क्यू.ए.ए. प्राप्त लुम्बिनी वाणिज्य क्याम्पसको अवलोकनको लागि कालिका बहुमुखी क्याम्पसको टोली बुटवल आइपुगेको छ। 

कास्की जिल्लाको पोखरामा रहेको कालिका बहुमुखी क्याम्पसको क्याम्पस व्यवस्थापन समिति, प्राध्यापक, कर्मचारी, अभिभावक र विद्यार्थी  सहितको १६ जनाको टोलि बिहीवार  बुटवल आइपुगेको हो।

अवलोकन टोलीलाई क्याम्पस प्रमुख प्रा.डा. तारा प्रसाद उपाध्यायले स्वागत गर्नुभएको थियो भने स्वागत तथा क्याम्पस अवलोकन पश्चात् दुई क्याम्पसबिच अन्तरक्रियात्मक कार्यक्रम पनि भएको थियो ।

बुटवलको लुम्बिनी वाणिज्य क्याम्पसमा सेवा निवृत्त हुनुभएका प्राध्यापक तथा कर्मचारीलाई सम्मान कार्यक्रम सम्पन्न भएको छ।

क्याम्पसको आयोजनामा सेवा निवृत्त हुनुभएका प्राध्यापक तथा कर्मचारीलाई सम्मान तथा शुभकामना आदानप्रदान कार्यक्रम आयोजना गरिएको हो।

सहायक क्याम्पस प्रमुख सह प्राध्यापक विष्णु जोशीको अध्यक्षता, क्याम्पस प्रमुख प्रा. डा. तारा प्रसाद उपाध्यायको प्रमुख आतिथ्यता रहेको कार्यक्रमको संचालन बिबिएस तथा बिएमएस कार्यक्रम इन्चार्ज उपप्राध्यापक लक्ष्मण भण्डारीले गर्नुभएको थियो भने कार्यक्रममा उप प्रशासक सविता शाक्यको स्वागत मन्तव्य, पब्लिक क्याम्पस प्राध्यापक संघ नेपाल इकाई समिति अध्यक्ष द्वारिका प्रसाद गौतम तथा कर्मचारी संघ इकाई समिति अध्यक्ष राधा पन्थले शुभकामना मन्तव्य व्यक्त गर्नुभएको थियो।

कार्यक्रममा निवृत्त हुनुभएका सह प्राध्यापक यज्ञप्रसाद दिक्षित तथा सहायक प्रशासक कपिलदेव गौतमलाई सम्मान गरिएको थियो। कार्यक्रममा सम्मानित हुनुभएका प्राध्यापक तथा कर्मचारीहरुले आआफ्नो अनुभव पनि राख्नुभएको थियो भने

कार्यक्रममा बोल्दै प्रमुख अतिथि एवं क्याम्पस प्रमुख प्रा. डा. उपाध्यायले निवृत्त हुनुभएका प्राध्यापक तथा कर्मचारीहरुले आफ्नो जीवनको लामो समय यस क्याम्पसमा व्यतीत गर्नुभएको र त्यो योगदानको जति नै प्रसंशा वा सम्मान गरेपनि कम नै हुने बताउदै आगामी दिनमा उहाँहरुले क्याम्पसका लागि देखेको सपना पुरा गर्न सिङ्गो क्याम्पस एक भएर लाग्ने बताउनुभयो ।

 

वुटवल / मङ्सिर १४ बुधबार । बुटवलको लुम्बिनी वाणिज्य क्याम्पसमा LGBTI Awareness लैङ्गिक समानता कार्यक्रम सम्पन्न भएको छ ।
वर्तमान अवस्थामा जानेर वा अन्जानमा ब्यक्तिगत अथवा  सामाजिक रुपमा लैङ्गिक मतभेद रहेको र ती मतभेद निर्मुलका लागि  लैङ्गिक समानता र लैङ्गिक बिचार सम्प्रेषण गर्ने उद्देश्यले बिबिएम कार्यक्रम अन्तर्गत रहेको CSR सेलले उक्त कार्यक्रम आयोजना गरेको हो।
क्याम्पस प्रमुख प्रा.डा. तारा प्रसाद उपाध्यायको प्रमुख आतिथ्यता, बिबिएम कार्यक्रम इन्चार्ज उपप्राध्यापक मधुकर शर्मा तथा बिबिए-एफए कार्यक्रम  इन्चार्ज उपप्राध्यापक द्वारिका प्रसाद गौतमको बिशिस्ट  आतिथ्यता रहेको कार्यक्रममा  Top 10 Finalist Miss Universe Nepal 2022,  Miss Annu Anmol Chhetri  तथा Human Right Activist Lumbini Province Coordinator, Asia First Trans Fashion Choreographer/Youth Iconic leader 2017 Mr. Resham Neupane मुख्य वक्ताको रूपमा रहनुभएको थियो। उहाहरुको आफ्नो कार्य बिवरण, वास्तविक परिचय साथमा लैङ्गिकता सम्बन्धमा सेसन चलाउनु भएको थियो ।


बिबिएम तथा बिबिए कार्यक्रमका करिब  ६१२ विद्यार्थीहरुको सहभागिता  रहेको कार्यक्रम प्रकृति सुबेदीको अध्यक्षता तथा विद्यार्थी महेश आचार्यको संचालनमा सम्पन्न भएको हो।

भाद्र ३०, बुुटवल । बुटवल देविनगरस्थित लुम्बिनी वाणिज्य क्याम्पसमा दुई महिने प्रोफेसनल एकाउन्टिङ एण्ड ट्याक्सेसन ट्रेनिङ सम्पन्न भएको छ ।
लुम्बिनी वाणिज्य क्याम्पसको आयोजना तथा लुम्बिनी स्किल एण्ड डेभलपमेण्ट कलेजको सहकार्यमा भएको उक्त तालिम विहीवार सम्पन्न भएको हो ।
तालिम समापन सत्र मुख्य प्रशिक्षक अमृत पौडेलको अध्यक्षता, क्याम्पस प्रमुख प्रा.डा. ताराप्रसाद उपाध्यायको प्रमुख आतिथ्यता, विद्यार्थी सुनिल पोख्रेलको सञ्चालनमा सम्पन्न भएको हो ।

तालिमको समापन सत्रमा बोल्दै प्रमुख अतिथि एवं क्याम्पस प्रमुख उपाध्यायले क्याम्पसले नियमित गतिविधि अन्र्तगत बजारको आवश्यकता अनुसार विभिन्न प्रकारका तालिमहरु सञ्चालन गर्दै आएको बताउदै दुई महिने तालिमले विद्यार्थीहरुमा सकारात्मक उर्जा पैदा भएको र विद्यार्थीका सकारात्मक प्रतिक्रियाले आफुलाई खुशी लागेको बताउनुभयो ।

तालिममा सहभागिहरुको तर्फबाट बोल्दै विद्यार्थीहरु अमिक्षा भुसाल, अनुप ज्ञवाली र दिनेश भट्टराईले तालिमले बजारमा क्षमता देखाउन आफुहरुलाई सहज बनाएको बताउदै तालिमको व्यवस्थापन गरेकोमा क्याम्पस प्रति आभार प्रकट गर्नुभयो ।
विविएस कार्यक्रममा अध्ययनरत ७० जना विद्यार्थीहरुको सहभागिता रहेको तालिममा मुख्य प्रशिक्षक एवं लुम्बिनी स्किल एण्ड डेभलपमेण्ट कलेजका सिइओ अमृत पौडेल, प्रशिक्षक सिए महेश घिमिरेले मेनुअल एकाउन्टिङ, कम्प्युटराइज्ड एकाउन्टिङ, लेखासंग सम्बन्धित विभिन्न सिप तथा ज्ञान, करसंग सम्बन्धित विभिन्न समस्या समाधानका सम्बन्धमा प्रशिक्षण दिनुभएको थियो।

भाद्र १० शुक्रबार, 'आयो फेरि घुम्दै फिर्दै नेपालीको चार्ड,जोगाउनलाई पहल हाम्ले गर्नै पर्छ आज' नाराका साथ लुम्बिनी बाणिज्य क्याम्पसमा Intra College Teej Geet Competition-2079 सम्पन्न भएको छ। बि.बि.एम कार्यक्रममा अध्ययनरत बिधार्थीहरुले नेपाली संस्कृतको जगेर्ना एबम प्रबर्द्धन गर्नका निमित्त नेपाली नारीहरुको महान चार्ड हरितालिका तिजको अवसरमा उक्त कार्यक्रम आयोजना गरेका हुन।

"Avenue Education Consultancy.Pvt.Ltd Butwal" मुख्य प्रायोजक रहेको उक्त कार्यक्रममा सुबिना सिंजालीको अध्यक्षता, क्याम्पस संचालक समितिका अध्यक्ष मोतीलाल पाण्डेको प्रमुख अतिथ्यता, क्याम्पस प्रमुख प्रा. डा तारा प्रसाद उपाध्याय, सहायक क्याम्पस प्रमुख विष्णु जोशी, बिबिएम कार्यक्रम संयोजक मधुकर शर्माको बिशिस्ट अतिथ्यता रहेको थियो । कार्यक्रममा गायक राजेश भण्डारी, गायक गोपाल खनाल र कर्मचारी ज्योति श्रेष्ठको निर्णायक भूमिका, विद्यार्थी वेद प्रसाद पाण्डेको संयोजकत्त्व, विद्यार्थी महेश आचार्य र प्रभा पाण्डेको संचालन रहेको थियो।

कार्यक्रममा Safal Uniform House, Sapana Saree Centre,Lumbini Bikash  Bank, Butwal Branch,The SR Hotel & Event Pvt.Ltd,Lumbini Skill Development College, Goes Education Consultancy, Nawa RK Suppliers, Suva Simran Party Palace,NMB Bank, Manigram Branch,Basuri Event Management, Bhairab Tours &Travels,Nisha Traders, Palpa Bhairav Photo & Videography, Niyalo Resturant & Cafe, Bageshwori Sangitalay लगायतका विभिन्न व्यावसायिक तथा अन्य  संघसंस्थाहरुले प्रायोजकको रुपमा रहेका थिए।
कार्यक्रममा ११ वटा समुहहरुको सहभागीता रहेको थियो। सम्पूर्ण समूहले समाजमा चलिआएका सत्य, तथ्य घटनालाइ सुमधुर र मौलिक रुपमा प्रस्तुत गरेका थिए। जस मध्ये वि.वि.एम सातौ सेमेष्टर गंगा गैरेको समुह प्रथम हुन सफल भएको थियो। त्यसैगरि प्रथम समुहलाइ पछ्याउँदै वि.वि.ए- एफ.ए कविता पौडेलको समुहले दोश्रो स्थान हासिल गरेको थियो, भने वि.एम.एस. कार्यक्रम प्रकृति गौतमको समूहले तेस्रो स्थान हासिल गर्न सफल भएको थियो। बिजेता समुहले पुरस्कार स्वरूप क्रमश नगद रु ७०००रु ५०००, रु ३००० साथमा प्रमाणपत्र र मायाको चिनो प्राप्त गरेका थिए भने वि.वि.एस तेस्रो वर्षको समुह, वि.वि.एस.दोस्रो वर्षको समूह, बि.बि.ए- एफ.ए तेस्रो सेमेस्टरका सहभागीहरुले  क्रमश Best Singer, Best Dancer, Best Song Composer को उपाधी हात पार्न सफल भएका थिए । 

भाद्र २ । बुटवलको लुम्बिनी वाणिज्य क्याम्पसमा स्वागत तथा सम्मान कार्यक्रम बिहीबार सम्पन्न भएको छ ।
विविएम अप्लाइड तेस्रो सेमेस्टर, विविएम पाचौ तथा सातौ सेमेस्टर लुम्बिनी वाणिज्य क्याम्पसको आयोजनामा विविएम अप्लाइड दोस्रो सेमेस्टरका नवआगन्तुक विद्यार्थीहरुलाई स्वागत तथा भर्खरै स्नातक तह सक्काएका विविएम आठौ सेमेस्टरका विद्यार्थीहरुलाई सम्मान गरिएको हो ।

कार्यक्रममा प्रमुख अतिथि एवं  लुम्बिनी वाणिज्य क्याम्पस, क्याम्पस संचालक  समितिका अध्यक्ष मोतिलाल पाण्डे, विशिष्ट अतिथि एवं निमित्त क्याम्पस प्रमुख सह प्राध्यापक विष्णु जोशी, विशिष्ट अतिथि एवं विविएम कार्यक्रम इन्चार्ज उपप्राध्यापक मधुकर शर्मा, कार्यक्रम संयोजक विद्यार्थी अमित गुप्ता, विद्यार्थीहरु अभिषेक केसि, महेश आचार्य, पुनम थापा, प्रकाश पौडेल, आस्था खत्री लगायतले आआफ्नो भनाइ राख्नुभएको थियो।
विद्यार्थी बन्दना न्यौपानेको अध्यक्षतामा भएको औपचारिक कार्यक्रमको सञ्चालन विद्यार्थी सिलम श्रेष्ठ र आयुष सुवेदीले गर्नुभएको थियो भने दिनभर क्याम्पसमा भएको सांस्कृतिक कार्यक्रम तथा अनौपचारिक कार्यक्रमको संचालन जीवन भुसाल र दीक्षा भण्डारीले गर्नुभएको थियो । सो अवसरमा आयोजना गरिएको मिस मिस्टर फ्रेसर प्रतियोगितामा मिस फ्रेसरको उपाधी आरति अर्याल र मिस्टर फ्रेसरको उपाधी यसिर मसुदले जित्नुभएको थियो भने बिबिएम पाचौं सेमेस्टरमा विश्वविद्यालय प्रथम हुन सफल विद्यार्थी सिलम श्रेष्ठलाई नगद प्रमाणपत्र सहित सम्मान गरिएको थियो भने विभिन्न खेलकुद प्रतियोगिताका विजयीहरुलाई पुरस्कार वितरण, नवआगन्तुक विद्यार्थीहरुलाई  र विदाइ भइ जाने विद्यार्थीहरुलाई मायाको चिनोसहित सम्मान पनि गरिएको थियो ।

भाद्र १ बुटवल । लुम्बिनी प्रदेशभरीको व्यवस्थापन विषय अध्यापन हुने क्याम्पसहरु मध्ये बेस्ट बिजनेश स्कुल लुम्बिनी प्रदेशको अवार्ड लुम्बिनी वाणिज्य क्याम्पसले प्राप्त गरेको छ ।
न्यू बिजनेश एज प्रालिले प्रत्येक वर्ष आयोजना गर्दै आएको न्यूबिज बी–स्कूल रेटिङस् ¥याकिङ एन्ड अवार्डस्  कार्यक्रममा यस वर्ष पनि ४ विधामा ७ ओटा प्रदेशका १६ कलेजलाई बुधवार अवार्ड प्रदान गरिएको हो ।
विभिन्न क्षेत्रका विज्ञ सम्मिलित स्वतन्त्र निर्णायक मण्डलले चरणबद्ध मूल्यांकनपछि उत्कृष्ट बीस्कुल छनोट गरेको थियो । २ हजार ३०० बीस्कुलमध्ये शुरुको पहिलो चरणमा उनीहरूको वेवसाइटका आधारमा ६०२ ओटा सर्ट लिस्ट भएको थिए । विद्यालयको, मिसन, भिजन र स्लोगनलगायतको आधारमा गरिएको दोस्रो चरणको छनोट प्रक्रियामा करीब ३०० ओटा बीस्कुल छानिएका थिए । कम्तीमा ५ वर्षभन्दा बढी अवधिदेखि सञ्चालनमा रहेको आधारमा गरिएको तेस्रो चरणको छनोट प्रक्रियाबाट ८७ बीस्कुल निर्णायक मन्डलले छानेको थियो । सोही वमोजिम लुम्बिनी प्रोभिन्स लेभल बेस्ट बीस्कुलतर्फ लुम्बिनी बाणिज्य क्याम्पस बुटवलले अवार्ड हात पार्न सफल भएको हो । अवार्ड ग्रहण गरेपछि प्रतिक्रिया दिदै क्याम्पस प्रमुख प्रा.डा. तारा प्रसाद उपाध्यायले क्याम्पसले यस प्रकारको अवार्ड पटकपटक प्राप्त गर्नुमा विद्यार्थी, अभिभावक, प्राध्यापक कर्मचारी र सरोकारवाला सबैको योगदान रहेको बताउनुभयो । 
लुम्बिनी वाणिज्य क्याम्पस विश्वविद्यालय अनुदान आयोगबाट दोश्रोपटक क्यू.ए.ए.प्रमाणपत्र प्राप्त गर्न सफल व्यवस्थापन विषयमा विशिष्टिकृत क्याम्पस हो भने यस क्याम्पसले नेपाल सरकार शिक्षा तथा विज्ञान प्रविधि मन्त्रालयबाट २०७५ सालमा उत्कृष्ट सामुदायिक क्याम्पसको रुपमा र प्रदेश सरकार लुम्बिनी प्रदेशको तर्फबाट २०७६ सालमा प्रदेश प्रज्ञा पदक द्घितियबाट पनि विभुषित भएको थियो ।
यसैविच न्यूबिज बी–स्कूल रेटिङस् ¥याकिङ एन्ड अवार्डस्  कार्यक्रममा सुदूरपश्चिम प्रदेशबाट कैलाली बहुमुखी क्याम्पस धनगढी, कर्णाली प्रदेशबाट सहारा क्याम्पस वीरेन्द्रनगर, गण्डकी प्रदेशबाट नोभेल एकेडेमी पोखरा, बागमती प्रदेशबाट प्रेजिडेन्सी कलेज अफ म्यानेजमेन्ट साइन्स भरतपुर, मधेश प्रदेशबाट विरगन्ज पब्लिक कलेज वीरगन्ज र प्रदेश १ बाट दमक बहुमुखी क्याम्पस, दमकले बेस्ट बिजनेश स्कुल अवार्ड प्राप्त  गरेका छन् । 
 

श्रावण १८ । लुम्बिनी वाणिज्य क्याम्पसमा विजनेश सेमिनार बुधवार सम्पन्न भएको छ ।
एम.वि.ए.–वि.एफ.कार्यक्रम पाचौं तथा छैठौ ब्याचका विद्यार्थीहरुको आयोजनामा सम्पन्न भएको सेमिनारमा नबिल बैंकका डेपुटि सिइओ मनोज कुमार ज्ञवाली तथा नेपाल क्रिकेट संघकी पूर्व सिइओ भावना घिमिरे श्रोत व्यक्तिको रुपमा रहनुभएको थियो ।
सेमिनारमा प्रमुख अतिथि एवं क्याम्पस प्रमुख प्रा.डा. ताराप्रसाद उपाध्यायले लुम्बिनी वाणिज्य क्याम्पसले अनुसन्धानका क्षेत्रमा राष्ट्रिय तथा अन्तराष्ट्रिय सेमिनार नियमित रुपमा आयोजना गर्दै आएको बताउनुभयो । उहाँले क्याम्पसले जस्तै विद्यार्थीहरुले पनि आफ्नै अग्रसरतामा यस प्रकारको सेमिनार आयोजना गरेकोमा खुशि लागेको बताउदै यस्ता कार्यक्रमहरुले विद्यार्थीहरुलाई सिर्जनशिल बनाउन सहयोग पु¥याउने विश्वास व्यक्त गर्नुभयो ।
सेमिनारमा विशिष्ट अतिथि एवं श्रोत व्यक्ति ज्ञवालीले संघर्ष र असफलतालाई जित्दै  वितेका आफ्नै जीवनका उत्प्रेरणात्मक कथाहरु प्रस्तुत गर्नुभएको थियो साथै उहाँले व्यवस्थापन शिक्षा, करियर प्लान, बैंकिङ क्षेत्रमा रोजगारीका अवसरहरु, उद्यमशिलताका लागि आवश्यक अठोट र पुँजी, सफलताका लागि लक्ष्य निर्धारण, नेतृत्व विकास, लगायतका बारेमा समेत बोल्नुभएको थियो ।
अर्का विशिष्ट अतिथि एवं श्रोत व्यक्ति घिमिरेले शैक्षिक यात्रा, वैदेशिक यात्रा र त्यहाबाट आफ्नै जन्मभुमीमा केही गर्छु भन्ने अठोटका साथ नेपाल प्रवेशको कथा, राजनीतिक दाउपेच र निलम्बनका विच क्यानमा भोगेका विभिन्न घटनाहरु लगायतका बारेमा बोल्नुभएको थियो ।
विद्यार्थी सुस्मिता तिमिल्सिनाको अध्यक्षता, विद्यार्थी दुर्गा डुम्रे र माया गहतराजको सञ्चालन तथा विद्यार्थी समृता भण्डारीको स्वागत मन्तव्य रहेको सेमिनारमा लुम्बिनी वाणिज्य क्याम्पसमा अध्ययनरत ५०० बढी र रुपन्देही जिल्लाका विभिन्न क्याम्पसमा अध्ययनरत ६०० बढि विद्यार्थीहरुको सहभागिता रहेको कार्यक्रमका मेन्टर एवं लुम्बिनी वाणिज्य क्याम्पसका शिक्षण सहायक सन्दिप पौडेलले जानकारी दिनुभयो । 

श्रावण १३ ।  बुटवलको लुम्बिनी वाणिज्य क्याम्पसमा ट्यालेन्ट हन्ट २०७९ कार्यक्रम शुक्रबार सम्पन्न भएको छ। 

बिबिएस कार्यक्रममा अध्ययनरत विद्यार्थीहरुको प्रतिभा उजागर गर्ने उद्देश्यले क्याम्पसले आयोजना गरेको कार्यक्रममा बिबिएस कार्यक्रममा अध्ययनरत २२ जना विद्यार्थीहरुको सहभागिता रहेको थियो। जसमा सुजाता परियार र मनिसा महत प्रथम, पुनम कुवर दोस्रो, सुमन चापागाईं तेस्रो भएका छन भने अतिरिक्त ट्यालेन्ट अवार्ड सन्देश भट्टराईले पाएका छन। 

सह प्रा. माधव नेपालको अध्यक्षता, क्याम्पस प्रमुख प्रा. डा. तारा प्रसाद उपाध्यायको प्रमुख आतिथ्यता, सहायक क्याम्पस प्रमुख सह प्रा. विष्णु जोशीको विशिष्ट आतिथ्यता, तथा उप प्रा. धन बहादुर पुनको सञ्चालन रहेको कार्यक्रममा सह प्रा. राजेन्द्र लम्साल, सह प्रा. गोपाल प्रसाद पाण्डे, उप प्रा. माया आचार्यले निर्णायकको भुमिका निभाउनुभएको थियो।

श्रावण १३ ।  बुटवलको लुम्बिनी वाणिज्य क्याम्पसमा स्टक मार्केटको टेक्निकल एनालाइसिस सम्बन्धि तालिम सम्पन्न भएको छ। क्याम्पसको एमविएस फाइनान्स दोस्रो सत्रमा अध्ययनरत विद्यार्थीहरुका लागि आयोजना गरिएको तालिम ३ दिनसम्म चलेको थियो भने तालिममा शिक्षण सहायक सन्दिप पौडेलले स्टक मार्केटको टेक्निकल एनालाइसिस र सिस्टमेटिक इन्भेस्टमेन्ट प्लानका बारेमा सहजीकरण गर्नुभएको थियो ।

श्रावण ९, बुुटवल । लुम्बिनी वाणिज्य क्याम्पसमा ३५ दिने प्रोफेसनल एकाउन्टिङ एण्ड ट्याक्सेसन ट्रेनिङ सुरु भएको छ ।
लुम्बिनी वाणिज्य क्याम्पसको आयोजना तथा लुम्बिनी स्किल एण्ड डेभलपमेण्ट कलेजको सहकार्यमा मंगलबारबाट उक्त तालिम सुरु भएको हो ।
तालिम उद्घाटन सत्रको अध्यक्षता समेत गर्नुभएका सहायक क्याम्पस प्रमुख सह प्राध्यापक विष्णु जोशीले कार्यक्रममा बोल्दै क्याम्पसले विद्यार्थीहरुको चौतर्फी विकासका लागि नियमित अध्ययनका साथसाथै अतिरिक्त तालिमहरु सञ्चालन  गर्दै आएको बताउनुभयो साथै विद्यार्थीहरुले यस तालिमबाट धेरै भन्दा धेरै लाभ लिने विश्वास समेत व्यक्त गर्नुभयो ।
तालिमको उद्घाटन सत्रमा बोल्दै प्रमुख अतिथि एवं क्याम्पस प्रमुख प्रा. डा. तारा प्रसाद उपाध्यायले क्याम्पसले नियमित गतिविधि अन्र्तगत बजारको आवश्यकता अनुसार विभिन्न प्रकारका तालिमहरु सञ्चालन गर्दै आएको बताउनुभयो । साथै उहाँले तालिमले विद्यार्थीहरुको जीवनमा सकारात्मक परिवर्तन ल्याउने हुदाँ तालिममा दिन खोजिएका विषयवस्तुहरु विद्यार्थीहरुले उत्साहका साथ ग्रहण गर्नुपर्ने बताउनुभयो ।
तालिमका मुख्य प्रशिक्षक एवं लुम्बिनी स्किल एण्ड डेभलपमेण्ट कलेजका सिइओ अमृत पौडेलले तालिममा सैद्धान्तिक भन्दापनि व्यवहारिक ज्ञान प्रदान गरिने र तालिमपश्चात विद्यार्थीहरु मेनुअल एकाउन्टिङ, कम्प्युटराइज्ड एकाउन्टिङ, लेखासंग सम्बन्धित विभिन्न सिप तथा ज्ञान, करसंग सम्बन्धित विभिन्न समस्या समाधानमा निपुर्ण हुने विश्वास व्यक्त गर्नुभयो ।
तालिमका प्रशिक्षक  सिए महेश घिमिरेले लुम्बिनी वाणिज्य क्याम्पस सामुदायिक क्याम्पस भएर पनि यस प्रकारका तालिम  निरन्तर प्रदान गरिरहेको देख्न र सुन्न पाउदा खुशि लाग्ने गरेको बताउदै यस ३५ दिने तालिमबाट विद्यार्थीहरुले लेखा र कर सम्बन्धी धेरै भन्दा धेरै व्यवहारीक ज्ञान प्राप्त गर्न सक्ने बताउनुभयो ।
विविएस कार्यक्रममा अध्ययनरत ७० जना विद्यार्थीहरु सहभागि हुने उक्त तालिममा ३५ जना विद्यार्थीहरु बिहानी सत्रमा र ३५ जना विद्यार्थीहरु सन्ध्याकालिन सत्रमा सहभागि हुनेछन् भने तालिमको उद्घाटन सत्रको कार्यक्रम सञ्चालन आईक्यूएसी संयोजक पुनाराम घिमिरेले गर्नुभएको थियो । 


 

श्रावण ६ । लुम्बिनी वाणिज्य क्याम्पसमा ट्यालेन्ट शो २०७९ कार्यक्रम शुक्रबार सम्पन्न भएको छ। क्याम्पसको विविएम अप्लाइड कार्यक्रम अन्तर्गत रहेको साहित्यिक समूहले  उक्त कार्यक्रम आयोजना गरेको हो । 

विद्यार्थी दिपा अर्यालको अध्यक्षता रहेको कार्यक्रमको प्रमुख अतिथि  विविएम कार्यक्रम इन्चार्ज उपप्राध्यापक मधुकर शर्मा रहनुभएको थियो । विविएम र विएमएस कार्यक्रममा अध्ययनरत १२ जना विद्यार्थीहरुले विभिन्न प्रतिभाहरु प्रस्तुत गरेको कार्यक्रममा विएमएस तेस्रो सेमेस्टरकी प्रकृति गौतम प्रथम,  विएमएस तेस्रो सेमेस्टरकी बन्धना पन्थी दोस्रो तथा विविएम तेस्रो सेमेस्टरका सबिन चौधरी र विएमएस तेस्रो सेमेस्टरकी मन्जु न्यौपानेले तेस्रो स्थान हासिल गर्नुभएको थियो।

विद्यार्थी गणेश पाण्डेको संचालन र  विद्यार्थी आयुष सुवेदीको स्वागत मन्तव्य रहेको कार्यक्रममा सह प्राध्यापक गोपाल प्रसाद पाण्डे र उपप्राध्यापक सुरज आचार्यले निर्णायकको भुमिका निभाउनुभएको थियो।

आषाढ, ३२ बुटवल  । बुटवलको लुम्बिनी वाणिज्य क्याम्पसमा सम्मान कार्यक्रम शनिबार सम्पन्न भएको छ ।२०७८ सालमा बिबिएम आठौं सेमेस्टर तथा बिबिएस चौथो बर्षको परीक्षा दिई नतिजाको प्रतीक्षामा रहेका विद्यार्थीहरुलाई एक कार्यक्रमका बिच क्याम्पसले सम्मान गरेको हो ।

सहायक क्याम्पस प्रमुख सह प्रा. विष्णु जोशीको अध्यक्षता, क्याम्पस प्रमुख प्रा.डा. ताराप्रसाद उपाध्यायको प्रमुख आतिथ्यता, एमविए डाइरेक्टर उपप्राध्यापक माया आचार्यको स्वागत मन्तव्य रहेकोे कार्यक्रमको संचालन बिबिएम कार्यक्रम इन्चार्ज उपप्राध्यापक मधुकर शर्माले गर्नुभएको थियो ।

कार्यक्रममा बोल्दै प्रमुख अतिथि एवं क्याम्पस प्रमुख प्रा.डा. उपाध्यायले विद्यार्थीहरुले समय सापेक्ष, बजार सुहाउँदो, व्यवहारिक ज्ञान अध्ययन गर्न पाउनुपर्ने बताउनुभयो । विश्वविद्यालयले दशकौ पुराना पाठ्यक्रम अहिले पनि जस्ताको तस्तै अध्यापन गराउदा प्रतिस्पर्धाको समयमा विद्यार्थीहरुको भविष्य कस्तो हुने हो भन्ने विषयले आफुलाई चिन्ता हुने गरेको बताउदै उहाँले आजको समयमा विद्यार्थी स्वयं सचेत भई व्यवहारिक ज्ञान प्राप्तिका लागि अगाडि बढ्न समेत आग्रह गर्नुभयो ।कार्यक्रममा सहायक क्याम्पस प्रमुख सह प्रा. विष्णु जोशी, पब्लिक क्याम्पस प्राध्यापक संघ नेपाल इकाई समिति अध्यक्ष द्वारिका प्रसाद गौतम, कर्मचारी संघ इकाई समिति अध्यक्ष राधा पन्थ लगायतले आआफ्नो भनाइ राख्दै विद्यार्थीहरुलाई समुज्ज्वल भविष्यको कामना समेत गर्नुभयो ।

सम्मानित भएका विद्यार्थीहरुको तर्फबाट बोल्दै विद्यार्थीहरु बाबुराम शाही, माया पछाई, पुनम थापा छेत्री, दिलिप पाण्डे, सुशील आचार्य लगायतले लुम्बिनी वाणिज्य क्याम्पससंग जोडिएका चार वर्ष आफुहरुका लागि निकै महत्वपुर्ण वर्षहरु भएको बताउदै सम्मान कार्यक्रम आयोजना गरकोमा क्याम्पस प्रति धन्यवाद समेत ज्ञापन गर्नुुभएको थियो ।

२०० बढी विद्यार्थीहरुको सहभागीता रहेको कार्यक्रममा अनुसन्धान तथा विकास विभाग प्रमुख सह प्रा. राजेन्द्र लम्सालले मोटिभेसनल सेसन समेत चलाउनुभएको थियो भने कार्यक्रममा सम्मानित हुनेहरुलाई मायाको चिनो समेत प्रदान गरिएको थियो ।

 

आषाढ ३१ बुटवल । बुटवलको लुम्बिनी वाणिज्य क्याम्पसमा सरसफाइ तथा वृक्षारोपण  कार्यक्रम सम्पन्न भएको छ। क्लिन एलवीसी ग्रीन एलवीसी अभियान अन्तर्गत वातावरण तथा सामाजिक प्रणाली मुल्यांकन उपसमितिको आयोजनामा उक्त कार्यक्रम आयोजना गरिएको हो।

निमित्त क्याम्पस प्रमुख सह प्रा. विष्णु जोशीको अध्यक्षता, नेपाल पब्लिक क्याम्पस प्राध्यापक संघका केन्द्रीय अध्यक्ष  गोपाल प्रसाद पाण्डेको प्रमुख आतिथ्यता रहेको कार्यक्रममा कपुर, जामुन, तेजपत्ता,धुपी, पारिजात,अमला जस्ता १५० बढी विरुवा रोपिएको उपसमिति संयोजक सुपुष्प भट्टराईले जानकारी दिनुभयो । सोही अवसरमा प्राध्यापक, कर्मचारी तथा विद्यार्थीहरुद्वारा  क्याम्पस परिसरमा सरससफाई समेत गरिएको थियो।