असार २१। बुटवलको लुम्बिनी वाणिज्य क्याम्पसमा स्वागत तथा सम्मान कार्यक्रम बिहीबार सम्पन्न भएको छ ।
विविएम अप्लाइड तेस्रो सेमेस्टर, विविएम अप्लाईड पाचौ तथा बिबिएम छैठौ सेमेस्टर लुम्बिनी वाणिज्य क्याम्पसको आयोजनामा विविएम अप्लाइड दोस्रो सेमेस्टरका नवआगन्तुक विद्यार्थीहरुलाई स्वागत तथा विविएम आठौ सेमेस्टरका विद्यार्थीहरुलाई सम्मान गरिएको हो ।
कार्यक्रममा प्रमुख अतिथि एवं लुम्बिनी वाणिज्य क्याम्पस, क्याम्पस संचालक समितिका अध्यक्ष मोतिलाल पाण्डे, विशिष्ट अतिथि एवं सहायक क्याम्पस प्रमुख सह प्राध्यापक विष्णु जोशी, विशिष्ट अतिथि एवं विविएम कार्यक्रम इन्चार्ज उपप्राध्यापक मधुकर शर्मा, विद्यार्थीहरु युशिर श्रेष्ठ, आशिष अर्याल, सिलम श्रेष्ठ लगायतले आआफ्नो भनाइ राख्नुभएको थियो।
विद्यार्थी यासिर मसुदको अध्यक्षतामा भएको औपचारिक कार्यक्रमको सञ्चालन विद्यार्थी गणेश पाण्डे र पुनम क्षेत्रीले गर्नुभएको थियो । सो अवसरमा विभिन्न खेलकुद प्रतियोगिताका विजयीहरुलाई पुरस्कार वितरण, नवआगन्तुक विद्यार्थीहरुलाई र विदाइ भइ जाने विद्यार्थीहरुलाई मायाको चिनोसहित सम्मान पनि गरिएको थियो ।