फाल्गुन ६ । बुटवल ११ देवीनगर स्थित लुम्बिनी वाणिज्य क्याम्पसको ४४ औ वार्षिकोत्सव समारोह विभिन्न कार्यक्रम आयोजना गरी मङ्गलबार सम्पन्न भएको छ ।
क्याम्पस सञ्चालक समितिका अध्यक्ष सुरेन्द्र प्रसाद श्रेष्ठको अध्यक्षता रहेको उक्त समारोहमा बुटवल उपमहानगरपालिकाका प्रमुख खेलराज पाण्डेयको प्रमुख आतिथ्यता रहेको थियो ।
मूल समारोहमा बोल्दै प्रमुख अतिथि पाण्डेयले क्याम्पसले शिक्षा क्षेत्रमा पुर्याएको योगदानको चर्चा गर्दै दोश्रोपटक पनि नेपालकै सर्वोत्कृष्ट सामुदायिक क्याम्पस घोषित लुम्बिनी वाणिज्य क्याम्पस तेस्रो चरणको क्यूएएको अन्तिम प्रक्रियामा रहनु यस क्षेत्रकै लागि गौरवको विषय रहेको बताउनुभयो ।
समारोहमा संस्थापक क्याम्पस प्रमुख महेश्वर प्रसाद श्रेष्ठ, शैक्षिक व्यक्तित्व अर्जुन खनाल, पब्लिक क्याम्पस प्राध्यापक संघ इकाई समिति अध्यक्ष धन बहादुर पुन, कर्मचारी संघ इकाई समिति अध्यक्ष पुस्कर भुसाल, स्ववियु अध्यक्ष विजय कार्की, विद्यार्थी नेताहरु दीपक पाण्डे, सिद्धार्थ श्रेष्ठ, नारायण पाण्डे लगायतका वक्ताहरुले शुभकामना मन्तव्य व्यक्त गर्नुभएको थियो ।
क्याम्पस प्रमुख प्रा.डा. तारा प्रसाद उपाध्यायले क्याम्पसको वार्षिक प्रतिवेदन प्रस्तुत गर्नुभएको मूल समारोहमा विभिन्न तहमा उत्कृष्ट हुने विद्यार्थीहरुलाई छात्रवृत्ति, साताव्यापी रुपमा सञ्चालन भएका अतिरिक्त क्रियाकलापहरुका विजयीहरुलाई प्रमाण पत्र तथा शिल्डले पुरस्कृत गरिएको थियोे भने २५ वर्षदेखि क्याम्पसमा सेवारत रहनुभएकी सहायक प्रशासक लक्ष्मी पोख्रेल खनाललाई दीर्घ सेवा पदक प्रदान गरिएको थियो। सो अवसरमा विद्यार्थीहरुले विविध सांस्कृतिक प्रस्तुतीहरु समेत प्रस्तुत गरेका थिए । मूल समारोह संयोजक उपप्राध्यापक मधुकर शर्माको स्वागत मन्तव्य रहेको कार्यक्रमको सञ्चालन उपप्राध्यापकद्वय मुकुन्द ज्ञवाली र पुनाराम घिमिरेले गर्नुभएको थियो ।
लुम्बिनी वाणिज्य क्याम्पसका विद्यार्थीहरुको लागी रोजगार उन्मुख तालिम, इन्टर्नसीप र रोजगारी अवसरहरूलाई सहज बनाउनको लागी लुम्बिनी बाणिज्य क्याम्पस र स्किल ल्याव नेपाल विच समझदारी पत्रमा हस्ताक्षर भएको छ। लुम्बिनी बाणिज्य क्याम्पसका क्याम्पस प्रमुख प्रा डा तारा प्रसाद उपाध्याय र स्किल ल्याबका ईन्नोभेसन स्ट्राटेजी प्रमुख सिरिजङ्ग ह्याङ राई ले हस्ताक्षर गर्नु भएको समझदारीपत्रमा साक्षीको रुपमा स्याट कोडिनेटर उप प्राध्यापक पुनाराम घिमिरे र क्याउसिलिङ प्लेसमेन्ट तथा उद्यमशिलता विकास सेलका संयोजक मुकुन्द ज्ञवालीको समेत हस्ताक्षर रहेको छ । उक्त समझदारी अनुसार स्किल ल्याबले लुम्बिनी बाणिज्य क्याम्पसलाई राष्ट्रिय अन्तराष्ट्रिय कम्पनीहरूसँग साझेदारी स्थापना गर्न सहजीकरण गर्ने क्याम्पसका विद्यार्थीहरूलाई उद्योग सम्बन्धित तालीम र इन्टर्नशिप कार्यक्रमहरूमा सहभागी गराउन सहजीकरण गर्ने छ। यो सम्झौता मार्च २०२५ देखी फेव्रुअरी २०२६ सम्म एक वर्षको रहने छ ।
स्किल ल्यावले लुम्बिनी वाणिज्य क्याम्पसका ईच्छुक सबै विद्यार्थीहरुलाई क्यारियर काउन्सिलिङ, लक्ष्य निर्धारण, कर्पोरेट कम्युनिकेशन, टिम विल्डिङ, ईमोस्नल ईन्टेलिजेन्स, डिजाईन थिंकिङ तथा विभिन्न सिप मुलक तालिमहरु क्याम्पस मै आएर प्रदान गर्ने समझदारी भएको छ। त्यस्तै भर्चुयल्ली समेत जव प्लेसमेन्टको लागी कर्पोरेट क्षेत्रको आवश्यकता अनुसारका विविध सीप मुलक तालिमहरु प्रदान गर्ने छ । त्यस्तै फ्याकल्टीहरुको समेत क्षमता अभिबृद्धीको लागी २० जनालाई डाटा क्याम्प लाईसेन्स प्रदान गर्ने सम्झौता भएको छ ।
लुम्बिनी वाणिज्य क्याम्पसले निकट भविश्यमा आयोजना गर्न गैरहेको रोजगार मेलामा स्किल ल्याबले रोजगारदाता को व्यवस्थापना गर्ने तथा आवश्यक प्राविधिक सहयोग गर्ने गरी भएको यस समझदारी पश्चात लुम्बिनी बाणिज्य क्याम्पसका विद्यार्थीहरूलाई रोजगार उन्मुख बिशेष कार्यक्रमहरुमा समावेश गराउने तथा विभिन्न कम्पनीहरु सगं साझेदारी सम्झौतामा हस्ताक्षर गर्न स्किल ल्याबले सहजीकरण गर्ने छ।स्किल ल्याबको सहयोगमा विद्यार्थीहरूको करियर विकासको लागी करियर सेवा केन्द्रको स्थापना भएको छ, जसले विद्यार्थीहरूलाई उद्योग सम्बन्धित तालीम र रोजगारी अवसरहरूको बारेमा जानकारी प्रदान गर्छ। लुम्बिनी बाणिज्य क्याम्पसको वेभ साईटमा गएर विद्यार्थीहरुले लग ईन गरी सेवाहरु लिन सक्नेछन् । यस सम्झौताले लुम्बिनी वाणिज्य क्याम्पसका विद्यार्थीहरूलाई व्यावसायिक सीप प्रदान गर्न र उद्योगसँगको सम्बन्ध बलियो बनाउन महत्वपूर्ण योगदान दिनेछ ।
माघ २८ बुटवल देवीनगरस्थित लुम्बिनी वाणिज्य क्याम्पसको ४४ औं वार्षिकोत्सव समारोहको अवसरमा विविध कार्यक्रमहरु सम्पन्न भएको छ।
माघ १८ देखि सुरु भएको खेलकुद सप्ताहमा "समृद्धिका लागि उद्यमशीलता" विषयक वक्तृत्वकला प्रतियोगितामा बिबिए आठौ सेमेस्टरकी अस्मिता खनाल प्रथम, बिबिएस दोस्रो वर्षकी प्रकृति पाण्डे दोस्रो तथा बिबिए सातौ सेमेस्टरकी सुरक्षा भट्टराई तेस्रो हुन सफल भएका छन। त्यस्तै चेस प्रतियोगितामा बिबिएस दोस्रो वर्षका अनिल भण्डारी प्रथम, बिबिएम-अप्लाईड आठौ सेमेस्टरका प्रज्वल बस्नेत दोस्रो तथा बिबिए सातौ सेमेस्टरकी कुमारी कनक लता गुप्ता तेस्रो हुन सफल भएका छन।
त्यस्तै बास्केटबल प्रतियोगितामा छात्रतर्फ बिबिएसको समूह विजयी भएको छ भने छात्रातर्फ बिबिएको समूह बिजयी भएको छ। चित्रकला प्रतियोगितामा सरोज पन्थी प्रथम, शिशिर खनाल दोस्रो तथा बल्लभी राना र अस्मिता खनाल तेस्रो भएका छन भने एक मिनेट कार्यक्रममा सपना भट्टराई प्रथम, कनक लता गुप्ता दोस्रो तथा बल्लभी राना तेस्रो भएका छन। त्यस्तै क्रिकेट प्रतियोगितामा छात्रतर्फ बिबिएस दोस्रो वर्षको समूह र छात्रातर्फ बिएमएसको समूह विजयी भएको छ। त्यस्तै टग अफ वारमा छात्रातर्फ बिबिएस चौथो वर्षको समूह र छात्रतर्फ बिएमएसको समूह विजयी भएको छ । त्यसैगरी छात्रा टेबल टेनिस प्रतियोगितामा बिएमएसकि मौसम अर्गली प्रथम, बिबिएकि लिमा सिरिस दोस्रो तथा बिएमएसकि सुस्मिता थापाले तेस्रो स्थान हासिल गर्न सफल भएका छन् भने छात्रतर्फ अनिल भण्डारी प्रथम, प्रवेश थापा दोस्रो तथा अक्षय श्रेष्ठ तेस्रो भएका छन।
छात्रा भलिबल प्रतियोगितामा छात्रातर्फ बिबिएसको समूह विजयी भएको छ भने छात्रतर्फ बिबिएस दोस्रो वर्षको समूह विजयी भएको छ । व्यवस्थापन हाजिरीजवाफ प्रतियोगितामा बिबिए सातौ सेमेस्टर सेक्सन बि को समूह प्रथम भएको छ भने बिबिए सातौ सेमेस्टर सेक्सन ए को समूह दोस्रो र बिबिएस चौथो वर्षको समूह तेस्रो भएको छ । त्यस्तै कविता, गजल तथा मुक्तक प्रतियोगितामा बिबिए का शिशिर खनाल प्रथम, बिबिए कै सुस्मिता पराजुली दोस्रो, बिबिएस प्रथम वर्षकि छमकला न्यौपाने तेस्रो तथा बिबिए का सन्देश पौडेल सान्त्वना भएका छन। त्यस्तै १०० मिटर दौडमा छात्रतर्फ अमृत राना प्रथम, आदर्श राना दोस्रो तथा किरण बहादुर थापा तेस्रो भएका छन भने छात्रातर्फ सम्झना घिमिरे प्रथम, स्मारिका पन्थी दोस्रो तथा समृद्धि पन्थि तेस्रो भएका छन।
खेलकुद सप्ताह अन्तर्गत आइतबार शिक्षक कर्मचारी तथा स्ववियू विचको मैत्रीपुर्ण भलिबल खेल सम्पन्न भएको छ । क्याम्पस प्रमुख प्रा. डा. ताराप्रसाद उपाध्यायले शुभारम्भ गर्नुभएको उक्त खेलमा ५ मा ३ खेल जित्दै स्ववियू विजयी भएको छ।। क्याम्पसले साताव्यापी कार्यक्रमको आयोजना गरी फाल्गुन ६ गते मूल समारोहका बिच ४४ औं वार्षिकोत्सव मनाउदैछ । क्याम्पसको वार्षिकोत्सव समारोह भव्य रुपमा सम्पन्न गर्नका लागि १४ वटा विभिन्न उपसमितिहरु गठन भएका छन भने रक्तदान कार्यक्रम, संस्कृतिक कार्यक्रम पनि संचालन गरिने ४४ औं वार्षिकोत्सव समारोह मुल संयोजक उपप्राध्यापक मधुकर शर्माले जानकारी दिनुभयो ।
४४ औं वार्षिकोत्सवको अवसरमा खेल सप्ताह सुरु
माघ १८, बुटवल देवीनगरस्थित लुम्बिनी वाणिज्य क्याम्पसको ४४ औं वार्षिकोत्सव समारोहको अवसरमा शुक्रबारबाट खेल सप्ताह सुरु भएको छ । क्याम्पस सञ्चालक समितिका अध्यक्ष सुरेन्द्र प्रसाद श्रेष्ठले विविएस र विएमएस प्रथमसत्रविच भएको छात्रा भलिबल प्रतियोगिताको उद्घाटन गर्नुहुदै खेल सप्ताहको शुभारम्भ गर्नुभएको हो । सहप्राध्यापक गोपाल प्रसाद पाण्डेको संचालन रहेको शुभारम्भ कार्यक्रममा प्राध्यापक, कर्मचारी तथा विद्यार्थीहरुको उत्साहजनक सहभागिता रहेको थियो भने खेल सप्ताह माघ २५ गतेसम्म सञ्चालन हुने छ । क्याम्पसले साताव्यापी कार्यक्रमको आयोजना गर्दै फाल्गुन ६ गते मूल समारोहका बिच ४४ औं वार्षिकोत्सव मनाउदैछ ।
खेल सप्ताह अन्तर्गत भलिबल प्रतियोगिता, चेस प्रतियोगिता, बास्केटबल प्रतियोगिता, क्रिकेट प्रतियोगिता, वक्तृत्वकला प्रतियोगिता, रसि तान्ने प्रतियोगिता, दौड प्रतियोगिता, टेवल टेनिस, हाजिरीजवाफ प्रतियोगिता, एक मिनेट कार्यक्रम लगायतका प्रतियोगिताहरु सञ्चालन गरिने ४४ औं वार्षिकोत्सव समारोह मुल संयोजक उपप्राध्यापक मधुकर शर्माले जानकारी दिनुभयो । सोही अवसरमा क्याम्पसको वार्षिकोत्सव समारोह भव्य रुपमा सम्पन्न गर्नका लागि १४ वटा विभिन्न उपसमितिहरु गठन गरिएको निमित्त क्याम्पस प्रमुख महेश प्रसाद चौधरी कुर्मीले जानकारी दिनुभयो ।
शुक्रबार भएको भलिबल प्रतियोगिताको उद्घाटन खेलमा विविएस विजयी भएको छ भने दोश्रो खेलमा विविए आठौ सत्रविजयी भएको प्रचार उपसमिति संयोजक उपप्राध्यापक पिताम्बर सापकोटाले जानकारी दिनुभयो।
माघ १५ । महाकवि देवकोटा क्याम्पसको आयोजनामा मङ्गलबार सुनवलमा सम्पन्न भएको बिजनेश प्लान कम्पिटिसनमा लुम्बिनी वाणिज्य क्याम्पस प्रथम भएकोे छ ।
नवलपरासी, रुपन्देही र कपिलवस्तु जिल्लाका १३ वटा क्याम्पसहरुले सहभागिता जनाएको उक्त कम्पिटिसनमा सहभागिहरुले विभिन्न नयाँ र फरक किसिमका व्यवसायिक परियोजना तयार पार्नुका साथै सोको प्रस्तुतिकरण समेत गरेका थिए ।
प्रथम भएको लुम्बिनी वाणिज्य क्याम्पसले काम दाम शिर्षकमा अनौपचारिक क्षेत्रमा काम गरिरहेका कामदारहरुलाई औपचारिक रुपमा रोजगारी सृजना गर्ने र घरायसी काममा अति आवश्यक कामदारको सहज उपलब्ध गराउने उद्देश्य सहितको व्यवसायिक योजना प्रस्तुत गरेका थिए।
काउन्सिलिङ, प्लेसमेन्ट एण्ड इन्टरप्रेनरसिप डेभलपमेन्ट सेल संयोजक मुकुन्द ज्ञवालीले संयोजन गर्नुभएको लुम्बिनी वाणिज्य क्याम्पसको समुहमा विद्यार्थीहरु आशिष अर्याल, कल्पना प्रसाईं र मनिशा पाण्डेले सहभागिता जनाएका थिए यस्तै कम्पिटिसनमा बुटवल बहुमुखी क्याम्पस द्वितीय तथा स्काई इन्टरनेशनल कलेज बुटवल तृतीय भएको छ ।
प्रथम, द्वितीय र तृतीय हुने क्याम्पसले क्रमशः २५ हजार, १५ हजार र १० हजार नगद, प्रमाण पत्र र शिल्ड प्राप्त गरेको छ ।
पौष २६ बुटवल । नेपालकै नमूना सामुदायिक क्याम्पसको रुपमा परिचीत लुम्बिनी वाणिज्य क्याम्पसमा विश्वविद्यालय अनुदान आयोगको पूर्ण परीक्षण भ्रमण सम्पन्न भएको छ ।
त्रिभुवन विश्वविद्यालयबाट सम्बन्धन प्राप्त गरी २०३८ सालमा स्थापित यस क्याम्पसले विश्वविद्यालय अनुदान आयोग, नेपालले प्रदान गर्ने क्यूएए तेस्रो चरणका लागि अन्तिम ढोका खोल्ने तयारी गरेको हो । तेस्रो चरणको क्यूएए प्रदान गर्नका लागि अन्तिम चरणको मुल्यांकन गर्न आएको विदेशी विज्ञ सहितको पूर्ण परीक्षण भ्रमण टोलीले यहीँ पौष २२ गतेदेखि २६ गतेसम्म १२० सूचकभित्र रहेर सरोकारवालाहरुसङ्ग छलफल तथा अन्तरक्रिया सम्पन्न गरेको छ ।
टोली संयोजक प्रा.डा. गोविन्द प्रसाद आचार्य, अन्तर्राष्ट्रिय विज्ञ प्रा.डा. अभिनास चन्द्र पाण्डे, प्रा.डा. रेजिना मास्के, प्रा.डा. नन्दिता शर्मा, सहायक निर्देशक नारायण भण्डारी सहितको टोलीले क्याम्पसमा अध्ययनरत विद्यार्थी, कार्यरत कर्मचारी, प्राध्यापनरत प्राध्यापक, अभिभावक, क्याम्पस सञ्चालक समिति, स्ववियु, भूपू विद्यार्थी, विभिन्न कार्यक्रमका डाइरेक्टर तथा इन्चार्ज, विभिन्न समूहका संयोजक, विभागीय प्रमुख, रोजगारदाता, स्थानीय समाजसेवी लगायत सरोकारवाला पक्षहरुसङ्ग छुट्टाछुट्टै छलफल तथा अन्तरक्रिया गरेको हो साथै उक्त टोलीले विभिन्न शैक्षिक तथा प्रशासनिक विभागहरु, कक्षा कोठा, चमेना गृह, डिजिटल लाइब्रेरी लगायतको अवलोकन पनि गरेको छ ।
पाँच दिने अवलोकनपछि प्रतिवेदन प्रस्तुत गर्दै भ्रमण टोलीका संयोजक प्रा.डा. गोविन्द प्रसाद आचार्यले तेस्रो चरणको क्यूएएका लागि टोलीको तर्फबाट शैक्षिक गुणस्तर सुनिश्चितता तथा प्रत्यायन परिषद् समक्ष प्रतिवेदन बुझाउने बताउनुभयो साथै उहाँले गुणस्तरको अन्तिम विन्दु नहुने भएकाले गुणस्तर अभिवृद्धिमा निरन्तर अगाडी बढ्न क्याम्पसलाई अनुरोध गर्दै आफ्नो टोलीले प्रतिवेदन मार्फत केही सुझावहरु क्याम्पसलाई दिएको बताउनुभयो । समापन कार्यक्रममा बोल्दै अन्तर्राष्ट्रिय विज्ञ प्रा.डा. अभिनास चन्द्र पाण्डेले क्याम्पस भौतिक तथा शैक्षिक गुणस्तरमा अब्बल रहेको बताउदै क्याम्पसले प्रदान गरेको न्यानो आतिथ्यताको प्रसंशा गर्नुभयो साथै उहाँले क्याम्पसलाई तेस्रो चरणको क्यूएए प्राप्तीका लागि शुभकामना व्यक्त गर्नुभयो । त्यस्तै प्रा.डा. नन्दिता शर्माले लुम्बिनी वाणिज्य क्याम्पसको भ्रमण गर्ने पहिल्यैदेखिको इच्छा पूरा भएको र क्याम्पस सोचेभन्दा उत्कृष्ट रहेको बताउनुभयो । विश्वविद्यालय अनुदान आयोगका सहायक निर्देशक नारायण भण्डारीले भ्रमणका क्रममा भ्रमण टोलिलाई क्याम्पसले पु¥याएको सहयोगको लागि आभार व्यक्त गर्नुभयो ।
भ्रमण टोलिले २८ पृष्ठको प्रतिवेदन तयार पारेको र उक्त प्रतिवेदन विश्वविद्यालय अनुदान आयोग नेपालमा पेश भएपछि तेस्रो चरणको क्यूएए बारे निर्णय हुने क्याम्पस प्रमुख प्रा.डा. ताराप्रसाद उपाध्यायले बताउनुभयो । समयमै प्रमाणपत्र प्राप्त ग¥र्यौ भने तेस्रो पटक क्यूएए पाउने पहिलो शैक्षिक संस्था लुम्बिनी वाणिज्य क्याम्पस बन्ने उहाँले बताउनुभयो ।
स्याट संयोजक उपप्राध्यापक पुनाराम घिमिरेको सञ्चालन रहेको समापन समारोहमा बोल्दै क्याम्पस सञ्चालक समितिका अध्यक्ष सुरेन्द्र प्रसाद श्रेष्ठले टोलीलाई अन्तिम मुल्यांकनको लागि धन्यवाद ज्ञापन गर्दै क्याम्पसको लक्ष्य विश्वविद्यालयमा रुपान्तरण हुने रहेकाले उहाँहरुको मुल्यांकन र सुझाबले सहयोग पुग्ने विश्वास व्यक्त गर्नुभयो ।
विश्वविद्यालय अनुदान आयोगबाट पहिलोपटक २०६८ सालमा क्यूएए प्रमाणपत्र प्राप्त गरेको क्याम्पसले २०७५ सालमा पुनः दोश्रोपटक क्यूएए प्रमाणपत्र प्राप्त गरेको थियो भने २०७५ र २०८० सालमा सर्वोत्कृष्ट सामुदायिक क्याम्पसको रुपमा नेपाल सरकारबाट पुरस्कृत भएको क्याम्पस २०७६ सालमा लुम्बिनी प्रदेश, प्रदेश प्रज्ञा पदक द्धितीयबाट विभुषित समेत भएको थियो । गुणस्तरीय शिक्षामा अब्बल रहेको क्याम्पसले पटकपटक विश्वविद्यालय प्रथम, दोस्रो, तेस्रो समेत हुने गरेको छ भने क्याम्पसले त्रिभुवन विश्वविद्यालयको प्राज्ञिक स्वायत्तता अन्तर्गत पाँच वटा स्वायत्त कार्यक्रमहरु सञ्चालन गरेर विश्वविद्यालयको जग तयार पार्ने काम गरिरहेको छ । हाल क्याम्पसमा करिब ४ हजार विद्यार्थीहरु, ४८ जना प्राध्यापक र २७ जना कर्मचारी रहेका छन् ।
लुम्बिनी वाणिज्य क्याम्पस, बुटवल र सानिमा रिलायन्स लाइफ इन्स्योरेन्स लिमिटेडबीच शुक्रबार एक कार्यक्रमका माझ एम.ओ.यु. सम्पन्न भएको छ । लुम्बिनी वाणिज्य क्याम्पस, बुटवलमा दुई संस्थाबीच आपसी हितका लागि अगाडि बढ्ने सम्झौता भएको हो ।
लुम्बिनी वाणिज्य क्याम्पसका विद्यार्थीहरुलाई सानिमा रिलायन्स लाइफमा इन्टर्न गर्ने अवसरका साथै विभिन्न पदमा जब प्लेसमेन्टको अवसर पनि प्रदान गरिने सहमति पत्रमा उल्लेख छ ।
क्याम्पसमा अध्ययनरत जेहेन्दार तथा आर्थिक रुपले बिपन्न ४ जना विद्यार्थीहरुलाई इन्स्योरेन्सद्वारा छात्रवृत्ति प्रदान गरिने बताइएको छ भने वर्षको ४ वटा जीवन बीमा शिक्षा सम्बन्धी वृहत् सचेतना कार्यक्रमका लागि लुम्बिनी वाणिज्य क्याम्पसको सहयोग रहने समेत सम्झौतामा समेटिएको छ ।
काउन्सिलिङ, प्लेसमेन्ट एण्ड इन्टरप्रेनरसिप डेभलपमेन्ट सेल संयोजक उपप्राध्यापक मुकुन्द ज्ञवालीको सञ्चालन रहेको एम.ओ.यु. कार्यक्रममा लुम्बिनी वाणिज्य क्याम्पसको तर्फबाट क्याम्पस प्रमुख प्रा.डा. ताराप्रसाद उपाध्याय र सानिमा रिलायन्स लाइफ इन्स्योरेन्स लिमिटेडको तर्फबाट रिजनल म्यानेजर इन्द्र बहादुर बि.क.ले सम्झौता पत्रमा हस्ताक्षर गर्नुभएको थियो भने कार्यक्रममा क्याम्पसको तर्फबाट सहायक क्याम्पस प्रमुख उपप्राध्यापक महेश प्रसाद चौधरी कुर्मी, एम.वि.एस. कार्यक्रम इन्चार्ज उपप्राध्यापक डिल्लीराज गौतम, स्याट संयोजक उपप्राध्यापक पुनाराम घिमिरे र सानिमा रिलायन्स लाइफ इन्स्योरेन्स लिमिटेडको तर्फबाट शाखा प्रमुखहरु प्रेम आचार्य, गौरव गौतम, प्रविन चन्द्र पौडेलको उपस्थिति रहेको कर्मचारी मोहन पौडेलले जानकारी दिनुभयो ।
लुम्बिनी वाणिज्य क्याम्पसले चौथो अन्तर्राष्ट्रिय कन्फ्रेन्स आयोजना गर्ने भएको छ । क्याम्पसले मंगलबार पत्रकार सम्मेलन गरी आगामी मंसिर १४ र १५ गते दुईदिन इन्टरनेशनल कन्फ्रेन्स अन ग्लोबल इनोभेसन इन म्यानेजमेन्ट एण्ड सोसल साइन्स (प्रज्ञानम् ब्रह्म-०४) आयोजना गर्न लागिएको जानकारी गराएको छ ।
बुटवल अन्तर्राष्ट्रिय सम्मेलन केन्द्रमा आयोजना हुने कन्फ्रेन्सको उद्घाटन उपप्रधान तथा अर्थमन्त्री विष्णु पौडेलले गर्ने क्याम्पस प्रमुख प्राध्यापक डा। ताराप्रसाद उपाध्यायले बताए । प्राध्यापकहरुले उच्च शैक्षिक गुणस्तर वृद्धि गर्न ज्ञान र सीपलाई वृत्ति विकाससँग जोड्ने तथा अन्तर्राष्ट्रिय क्षेत्रमा उच्च शैक्षिक समन्वय बढाउन यस्ता अन्तर्राष्ट्रियस्तरका कन्फ्रेन्सहरु महत्वपूर्ण हुने उनले बताए ।
कन्फ्रेन्समा नेपालसहित भारत, पाकिस्तान, चीन थाइल्याण्ड, मलेसियालगायतका विभिन्न विश्व विद्यालयका पदाधिकारी, वरिष्ठ प्राध्यापक, विद्यार्थी, अनुसन्धानकर्ताहरु तथा सरकारी तथा गैरसरकारी अभ्यासकर्ताहरुले अनुसन्धानको निष्कर्ष प्रस्तुत गर्ने छन् । लुम्बिनी वाणिज्य क्याम्पसले सञ्चालन गर्दै आएको यो चौथो कन्फ्रेन्स हो । यस अगाडि तीनपटक सम्पन्न गरिसकेको छ ।
नेपालको त्रिभुवन विश्वविद्यालय व्यवस्थापन संकायका डीन प्राध्यापक डा। डिल्लीराज शर्मासहित भारत, चिन, मलेसिया, थाइल्याण्डका विभिन्न विश्वविद्यालयका प्राध्यापकहरुलाई प्रमुख वक्ताको रुपमा राखिएको सहप्राध्यापक तथा कार्यक्रम संयोजक पिताम्बर सापकोटाले जानकारी दिए । त्यसबाहेक सरकारी तथा गैरसरकारी संस्थाका अनुसन्धानकर्ताहरु समेत गरी १२० जनाभन्दा बढी अनुसन्धानकर्ताहरुले अनुसन्धान पत्र प्रस्तुत गर्नेछन् । कन्फ्रेन्स सम्पन्न गर्न ४५ लाख खर्च लाग्ने अनुमान गरिएको छ ।
मोहन पौडेल १८ असोज, बुटवल । तिलोत्तमा वडा नं. २ मुस्कान पथ निवासी विष्णु प्रसाद सुवेदीले आफ्नो श्रीमती स्वर्गीय राधा कुमारी सुवेदी पन्थको स्मृतिमा लुम्बिनी वाणिज्य क्याम्पसमा एक लाख पचास हजार रुपैयाँको छात्रवृत्ति अक्षयकोष स्थापना गर्नुभएको छ ।
लुम्बिनी वाणिज्य क्याम्पसमा सहायक प्रशासक पदमा सेवारत रहि २०८१ आषाढ ३० गते उपचारको क्रममा असामयिक निधन हुनुभएकी आफ्नो श्रीमती स्वर्गीय राधा कुमारी सुवेदी पन्थको ४४ औं जन्मदिनको अवसर पारी सोही क्याम्पसमा एक लाख पचास हजार रुपैयाँको अक्षयकोष स्थापना गर्नुभएको हो ।
शुक्रबार निमित्त क्याम्पस प्रमुख उपप्राध्यापक महेश प्रसाद चौधरी कुर्मीलाई सुवेदीले एक लाख पचास हजार रुपैयाको चेक हस्तान्तरण गर्नुभएको हो । स्वर्गीय राधा कुमारी सुवेदी पन्थको जन्मदिनको अवसर पारी अक्षयकोष स्थापना गर्नुभएकोमा सुवेदी परिवारलाई निमित्त क्याम्पस प्रमुख उपप्राध्यापक कुर्मीले धन्यवाद ज्ञापन गर्दै अक्षयकोषको व्याजले क्याम्पसमा अध्ययनरत आर्थिक रुपमा बिपन्न तथा जेहेन्दार विद्यार्थीलाई वार्षिक रुपमा छात्रवृत्ति प्रदान गरिने बताउनुभयो ।
सुवेदीले अक्षयकोष मार्फत विद्यार्थीलाई छात्रवृत्ति प्रदान गरेर दिवङ्गत जीवनसाथीको स्मरणको बाटो रोज्नुभएको हो । अक्षयकोषको माध्यमबाट दिवङ्गत श्रीमतीको सधैं सम्झना भइरहने सुवेदीको विश्वास छ ।
चेक हस्तान्तरण पछि भावुक हुँदै श्रीमान विष्णु सुवेदीले भन्नुभयो–‘आफ्नो श्रीमतीले २१ वर्ष भन्दा बढी सेवा गरेको क्याम्पसमा उनकै नाममा अक्षयकोष स्थापना गरि उनको सम्झनालाई जीवन्त राख्न चाहन्छु । म, छोरी चाहाना सुवेदी र छोरा चन्दन सुवेदीको तर्फबाट स्थापना गरिएको अक्षयकोषले क्याम्पसमा अध्ययनरत आर्थिक रुपमा बिपन्न तथा जेहेन्दार विद्यार्थीको उज्ज्वल भविष्यका लागि सहयोग पुग्ने विश्वास गरेको छु ।’
आश्विन १३ । बुटवल देवीनगर स्थित लुम्बिनी वाणिज्य क्याम्पसमा प्रश्नपत्र निर्माण सम्बन्धी एक दिने कार्यशाला गोष्ठी आइतबार सम्पन्न भएको छ ।
लुम्बिनी वाणिज्य क्याम्पस, स्वायत्त परीक्षा संचालक समितिको आयोजनामा भएको गोष्ठीमा त्रिभुवन विश्वविद्यालय, स्कुल अफ म्यानेजमेन्ट एम.फिल. कार्यक्रमका पूर्व निर्देशक प्रा.डा. माधवराज कोइराला श्रोत व्यक्तिको रूपमा रहनुभएको थियो ।
स्वायत्त परीक्षा संचालक समिति अध्यक्ष एवं लुम्बिनी वाणिज्य क्याम्पसका प्रमुख प्रा.डा. ताराप्रसाद उपाध्यायको अध्यक्षता,
लुम्बिनी वाणिज्य क्याम्पस, स्याट संयोजक पुनाराम घिमिरेको संचालन रहेको गोष्ठीमा प्रा.डा. उपाध्यायले गोष्ठीको उद्देश्य र औचित्यतामाथि प्रष्ट पार्दै प्रश्नपत्र सम्बन्धी अनुभवहरु सुनाउनुभएको थियो ।
लुम्बिनी वाणिज्य क्याम्पसमा प्राध्यापनरत ४१ जना प्राध्यापकहरुको सहभागिता रहेको गोष्ठीमा श्रोत व्यक्ति प्रा.डा. कोइरालाले प्रश्नपत्र निर्माणका विधि, प्रक्रियाको बारेमा प्रशिक्षण दिदै प्राध्यापकहरु प्रश्नपत्र निर्माणमा सूक्ष्म तरिकाले लाग्नुपर्ने र गुणस्तरीयतामा ख्याल गर्नुपर्ने बताउनुभयो।
मोहन पौडेल बुटवल, असार २२ । लुम्बिनी वाणिज्य क्याम्पस बुटवलको सञ्चालक समितिमा सर्वसम्मत रुपमा नयाँ नेतृत्व चयन भएको छ । शनिवार सम्पन्न क्याम्पस व्यवस्थापन तथा विकास परिषद्को चौधौं क्याम्पस सभाले आगामी तीन वर्षको लागि नयाँ सञ्चालक समिति निर्वाचित गरेको छ । १३ सदस्यीय क्याम्पस सञ्चालक समिति रहनेमा शनिवार सम्पन्न सभाले सञ्चालक समितीको अध्यक्षमा सुरेन्द्र प्रसाद श्रेष्ठलाई सर्वसम्मत रुपमा निर्वाचित गरेको हो ।
क्याम्पस सभामा बोल्दै प्रमुख अतिथी जिल्ला समन्वय समिति, रुपन्देहीका अध्यक्ष एवं परिषद्का पदेन सदस्य उमाकान्त चपाइँले लुम्बिनी वाणिज्य क्याम्पस लुम्बिनी प्रदेशको मात्र नभई देशकै अग्रणी शैक्षिक धरोहर रहेको उल्लेख गर्दै क्याम्पसलाई विश्वविद्यालयको रुपमा स्थापित गर्न सबै लाग्नुपर्नेमा जोड दिनुभयो ।
सभामा बोल्दै विशिष्ट अतिथि एवं बुटवल उपमहानगरपालिकाका नगरप्रमुख खेलराज पाण्डेयले क्याम्पस राष्ट्रकै नमुना क्याम्पस रहेको र नयाँ नेतृत्वले पनि क्याम्पसको गरिमालाई अझै उचाँईमा पु¥याउने विश्वास व्यक्त गर्नुभयो ।
सभामा बोल्दै लुम्बिनी वाणिज्य क्याम्पस स्ववियु अध्यक्ष विजय कार्कीले क्याम्पसको नयाँ नेतृत्वले क्याम्पसको चौतर्फि उन्नयनका साथसाथै विद्यार्थीहरुको सर्वाङ्गिण हितमा पनि ध्यान दिई अगाडि बढ्नुपर्ने कुरामा जोड दिनुभयो ।
सभाको अध्यक्षता ग्रहण गर्नुभएका क्याम्पस व्यवस्थापन तथा विकास परिषद्का अध्यक्ष मोतीलाल पाण्डेले आफ्नो दुई कार्यकाल सफलतापुर्वक सम्पन्न गर्न अहम भुमिका खेल्नुहुने सम्पूर्णमा आभार व्यक्त गर्दै नयाँ कार्यसमितिलाई बधाई तथा सफल कार्यकालको लागि शुभकामना व्यक्त गर्नुभयो ।
क्याम्पस प्रमुख प्रा.डा. ताराप्रसाद उपाध्यायको सञ्चालन रहेको सभामा सञ्चालक समितिका नवनिर्वाचित अध्यक्ष सुरेन्द्र प्रसाद श्रेष्ठले क्याम्पसको सर्वोपरि हितको लागि सरोकारवाला सबैसंग आवश्यक समन्वय र सहकार्य गरी अघि बढ्ने प्रतिवद्धता व्यक्त गर्नुभयो ।
चौधौं सभाले सञ्चालक समितिको तर्फबाट अध्यक्ष मोतिलाल पाण्डेले प्रस्तुत गर्नुभएको अध्यक्षको वार्षिक प्रतिवदेन, क्याम्पस प्रमुख प्रा.डा. ताराप्रसाद उपाध्यायले प्रस्तुत गर्नुभएको आ.व. ०७९÷०८० को लेखापरीक्षण प्रतिवेदन तथा आ.व. ०८१÷०८२ को अनुमानित बजेट समेत अनुमोदन गरेको छ भने आ.व. ०८०÷०८१ का लागि लेखापरीक्षकको नियुक्ति, विधान तथा नियमावली २०६६ संशोधन, परिषद् सदस्य मनोनयन लगायतका विषयमा छलफल गरि अनुमोदन समेत गरेको छ ।
वि.सं. २०३७ सालमा लुम्बिनी व्यवस्थापन अध्ययन संस्थानको नामबाट अनौपचारिक रुपमा कोचिङ कक्षाको रुपमा सञ्चालन गरिएकोमा लुम्बिनी वाणिज्य क्याम्पसले २०३८ सालमा त्रिभुवन विश्वविद्यालयबाट सम्बन्धन प्राप्त गरि करिब ४४ वर्षको अवधीमा आईपुग्दा व्यवस्थापनतर्फ देशकै उत्कृष्ट क्याम्पसको रुपमा स्थापित भएको छ । २०६८ साल र २०७५ सालमा दुईपटक क्यू.ए.ए. प्राप्त तथा सामुदायिक क्याम्पसहरु मध्ये नेपालकै उत्कृष्ट सामुदायिक क्याम्पसको रुपमा नेपाल सरकार शिक्षा, विज्ञान तथा प्रविधि मन्त्रालयबाट दुई पटक सम्मानित यस क्याम्पसमा हाल बि.बि.एस., बि.एम.एस., बि.बि.एम., बि.बि.एम. अप्लाईड, बि.बि.ए. एफ.ए., एम.बि.एस., एम.बि.एस. फाइनान्स र एम.बि.ए. बि.एफ.का कक्षाहरु सञ्चालन भईरहेका छन् । स्थायी, आंशिक र करार गरि ६५ जना प्राध्यापक तथा कर्मचारी कार्यरत यस क्याम्पसमा सबै कार्यक्रमतर्फ हाल चार हजार विद्यार्थी अध्ययनरत रहेको क्याम्पस प्रमुख प्रा.डा. ताराप्रसाद उपाध्यायले जानकारी दिनुभयो ।
ज्येष्ठ १० । बुटवलको लुम्बिनी वाणिज्य क्याम्पसमा क्षमता अभिवृद्धि तालिम सम्पन्न भएको छ।
लुम्बिनी वाणिज्य क्याम्पसमा कार्यरत कर्मचारीहरुको लागि भूतपूर्व विद्यार्थी समाज, लुम्बिनी वाणिज्य क्याम्पसको आयोजनामा तालिम भएको हो।
उद्घाटन सत्रमा समाजका उपाध्यक्ष लालहरि पाण्डेको अध्यक्षता,
क्याम्पस प्रमुख प्रा. डा. तारा प्रसाद उपाध्यायको प्रमुख आतिथ्यता, सहायक क्याम्पस प्रमुख उप-प्राध्यापक महेश प्रसाद चौधरी कुर्मीको विशिष्ट आतिथ्यता, संस्थापक अध्यक्ष सह-प्राध्यापक गोपाल प्रसाद पाण्डे, श्रोत व्यक्तिहरु सह-प्राध्यापक राजेन्द्र लम्साल, मुकुन्द ज्ञवाली, स्याट संयोजक पुनाराम घिमिरेको आतिथ्यता, कार्यक्रम संयोजक पुष्कर भुसालको स्वागत मन्तव्य एवं सचिव नरेश कुमार श्रेष्ठ र सहसचिव विष्णु कुवरको संचालन रहेको थियो।
तालिममा श्रोत व्यक्तिहरु सह-प्राध्यापक राजेन्द्र लम्साल र मुकुन्द ज्ञवालीले संस्थाले कार्य वातावरण कसरी निर्माण गरिदिनुपर्छ ? समयानुसार कर्मचारीले कसरी प्रभावकारी रूपमा कार्य सम्पादन गर्नुपर्छ? सेवा प्रवाह कस्तो हुनुपर्छ ? लगायतका बारेमा सहजीकरण गर्नुभएको थियो।
तालिमको समापन सत्रमा बोल्दै प्रमुख अतिथि एवं क्याम्पस प्रमुख प्रा. डा. तारा प्रसाद उपाध्यायले तालिमले मात्र कुनै व्यक्तिमा एकाएक परिवर्तन नआउने बताउदै परिवर्तन हुने कि नहुने आफ्नै हातमा रहेको बताउनुभयो । सेवा प्रवाहमा प्रभावकारीता ल्याउन सिपसङ्ग सम्बन्धित तथा उत्प्रेरणात्मक तालिमहरु क्याम्पसले निरन्तर प्रदान गर्ने समेत उहाँले बताउनुभयो । तालिममा सहभागीको तर्फबाट बोल्दै सहायक प्रशासक राधा पन्थ र मुख्य सहयोगी रतन गरिले तालिमले आफुहरुमा सकारात्मक उर्जा प्रदान गरेको र पुनरताजकि पनि गराएको बताउनुभयो ।
ज्येष्ठ ५ । बुटवलको लुम्बिनी वाणिज्य क्याम्पसको आयोजनामा बैङ्किङ सेमिनार सम्पन्न भएको छ।
अध्ययन सङ्गसङ्गै अनुसन्धानलाई थप प्रोत्साहन गर्ने उद्देश्यका साथ एमविए तेस्रो सत्रमा अध्ययनरत विद्यार्थीहरुको लागि पोखरामा उक्त सेमिनार आयोजना गरिएको हो। एमविए कार्यक्रम डाइरेक्टर उपप्राध्यापक डा. भगवती प्रसाद चौधरीको अध्यक्षता, कालिका बहुमुखी क्याम्पसका क्याम्पस प्रमुख सहप्राध्यापक विरन्जी गौतमको प्रमुख आतिथ्यता, प्रा.डा. राधेश्याम प्रधानको विशिष्ट आतिथ्यता, प्रा.डा. ध्रुवराज पोख्रेल, क्याम्पस प्रमुख प्रा.डा. तारा प्रसाद उपाध्याय र सहप्राध्यापक भरत भुसालको उपस्थिति रहेको सेमिनारको उद्घाटन सत्रको संचालन विद्यार्थी गोपाल खनालले गरेका थिए भने स्वागत मन्तव्य विद्यार्थी प्रकाश पौडेलको रहेको थियो।
सेमिनारको उद्घाटन सत्रमा बोल्दै प्रमुख अतिथि गौतमले लुम्बिनी वाणिज्य क्याम्पसले नियमित रूपमा अनुसन्धानमुलक कार्यक्रम गरेकाले नै फरक पहिचान बनाएको बताउनुभयो । विशिष्ट अतिथि प्रधानले विद्यार्थीका लागि अनुसन्धान अत्यन्तै महत्वपूर्ण रहेकाले अनुसन्धान कार्यमा विद्यार्थीहरुलाई यसरी नै निरन्तर प्रोत्साहन गर्नुपर्ने बताउनुभयो ।
प्रा.डा. राधेश्याम प्रधानको अध्यक्षता तथा प्रा.डा. ध्रुवराज पोख्रेल विज्ञ रहेको टेक्निकल सेसनमा ३३ जना विद्यार्थीहरुले आ-आफ्नो अनुसन्धानमुलक लेख प्रस्तुत गरेका थिए भने अनुसन्धानमा थप निखारता ल्याउन गर्नुपर्ने कामहरुको बारेमा विद्यार्थीलाई विज्ञले सुझाव समेत प्रस्तुत गर्नुभको थियो ।
वैशाख ३ । बुटवलको लुम्बिनी वाणिज्य क्याम्पसमा सेवा निवृत्त हुनुभएका कर्मचारीहरुलाई सम्मान कार्यक्रम सम्पन्न भएको छ।
क्याम्पसको आयोजनामा सेवा निवृत्त हुनुभएका कर्मचारीहरुलाई सम्मान तथा शुभकामना आदानप्रदान कार्यक्रम आयोजना गरिएको हो।क्याम्पस प्रमुख प्रा. डा. तारा प्रसाद उपाध्यायको अध्यक्षता रहेको कार्यक्रमको संचालन बिबिएस तथा एमविएस कार्यक्रम इन्चार्ज उपप्राध्यापक डिल्ली राज गौतमले गर्नुभएको थियो ।कार्यक्रममा निवृत्त हुनुभएका कर्मचारीद्वय श्री केश बहादुर थापा र श्री भीम बहादुर क्षेत्रीलाई सम्मान गरिएको थियो भने कार्यक्रममा सम्मानित हुनुभएका कर्मचारीद्वय थापा र क्षेत्रीले आआफ्नो अनुभव पनि राख्नुभएको थियो । कार्यक्रममा बोल्दै क्याम्पस प्रमुख प्रा. डा. उपाध्यायले निवृत्त हुनुभएका कर्मचारीहरुलाई आफ्नो जीवनको लामो समय यस क्याम्पसमा व्यतीत गर्नुभएको र त्यो योगदानको जति नै प्रसंशा वा सम्मान गरेपनि कम नै हुने बताउनुभयो ।
फाल्गुन ६ । बुटवल ११ देविनगर स्थित लुम्बिनी वाणिज्य क्याम्पसको ४३ औ वार्षिकोत्सव समारोह विभिन्न कार्यक्रम आयोजना गरी शनिबार सम्पन्न भएको छ ।
क्याम्पस सञ्चालक समितिका अध्यक्ष मोतीलाल पाण्डेको अध्यक्षता रहेको उक्त समारोहमा लुम्बिनी बौद्ध विश्वविद्यालयका उपकूलपति प्रा.डा. सुवर्णलाल बज्राचार्यको प्रमुख आतिथ्यता रहेको थियो ।
मूल समारोहमा बोल्दै प्रमुख अतिथि बज्राचार्यले क्याम्पसले शिक्षा क्षेत्रमा पु¥याएको योगदानको चर्चा गर्दै दोश्रोपटक पनि लुम्बिनी वाणिज्य क्याम्पस नेपालकै सर्वोत्कृष्ट सामुदायिक क्याम्पस घोषणा हुनु यस क्षेत्रकै गौरवको विषय रहेको बताउनुभयो । उहाँले लुम्बिनी बौद्ध विश्वविद्यालय र लुम्बिनी वाणिज्य क्याम्पसबिच विभिन्न गतिविधिमा थप सहकार्य रहने बताउनुभयो ।
क्याम्पस सञ्चालक समितिका अध्यक्ष मोतिलाल पाण्डेको अध्यक्षता रहेको कार्यक्रममा विशिष्ट अतिथि जिल्ला समन्वय समिति रुपन्देहीका प्रमुख उमाकान्त चँपाई, बुटवल उपमहानगरपालिका प्रमुख खेलराज पाण्डे, अतिथिहरु क्याम्पस सञ्चालक समिति पुर्व अध्यक्ष अर्जुनमान सैंजु, बुटवल उद्योग वाणिज्य संघका अध्यक्ष हरि प्रसाद अर्याल, नेकपा एमाले नगर अध्यक्ष किसन ज्ञवाली, नेकपा माओबादी केन्द्रका जिल्ला अध्यक्ष निर्मल जिसी, राष्ट्रिय स्वतन्त्र पार्टिका नगर संयोजक राजन पाण्डे, राष्ट्रिय जनमोर्चा पार्टीका नगर अध्यक्ष पदम श्रेष्ठ, कर्मचारी संघ लुम्बिनी वाणिज्य क्याम्पस अध्यक्ष पुष्कर भुसाल, स्ववियु अध्यक्ष विजय कार्की, विद्यार्थी नेताहरु समिर आचार्य, रेशम के.सी., माधव बस्याल, पुष्कर पोख्रेल लगायतका वक्ताहरुले शुभकामना मन्तव्य व्यक्त गर्नुभएको थियो ।
क्याम्पस प्रमुख प्रा.डा. तारा प्रसाद उपाध्यायले क्याम्पसको वार्षिक प्रतिवेदन प्रस्तुत गर्नुभएको समारोहमा विभिन्न क्षेत्रमा रोजगार÷स्वरोजगार भएका विद्यार्थीहरुलाई सम्मान गरिएको थियो । साथै विभिन्न तहमा उत्कृष्ट हुने विद्यार्थीहरुलाई छात्रवृत्ती र साताव्यापी रुपमा सञ्चालन भएका अतिरिक्त क्रियाकलापहरुका विजयीहरुलाई प्रमाण पत्र, मेडल तथा शिल्डले पुरस्कृत गरिएको थियोे । सो अवसरमा विद्यार्थीहरुले विविध सांस्कृतिक प्रस्तुतीहरु समेत प्रस्तुत गरेका थिए । मूल समारोह संयोजक सहप्राध्यापक विष्णु जोशीको स्वागत मन्तव्य रहेको कार्यक्रमको सञ्चालन उपप्राध्यापक लक्ष्मण प्रसाद भण्डारीले गर्नुभएको थियो ।
